XURADO VII Edición
Martín Romero
(A Coruña, 1981)
Ilustrador, autor de cómics e director de animación. Combina todas estas disciplinas para desenvolver os máis diversos proxectos. Como ilustrador realiza traballos que van desde o eido publicitario ata o editorial, traballando con clientes como El País, Seat ou Abanca.
Os seus cómics publicáronse en revistas como Le Monde Diplomatique (Francia), Kuti Kuti (Finlandia), Stripburger (Eslovenia), Bile Noire (Francia), Mille Putois (Canadá), O Suplemento (Brasil) ou Vice (EE.UU).
As súas novelas gráficas Las fabulosas crónicas del ratón taciturno (2011), Episodios Lunares (2015) e La deuda (2017) publicáronse tanto en España como en Francia. Actualmente está a desenvolver a serie de cómics infantís Uxío, con dous títulos publicados ata o momento: Uxío (2019) e Uxío e amigos (2023).
No eido audiovisual dirixiu dúas curtametraxes: La noche (2017), basada nun dos seus cómics, e To bird or not to bird (2023).
Alexandra Ramires
(Portugal, 1987)
Directora, guionista e montadora. Licenciouse no 2010 no curso de Pintura nas Belas Artes en Lisboa. Desenvolve traballo en cinema de animación desde 2009. En 2013 chegou a Oporto para traballar no estudo de animación da produtora Bando á Parte, actual cooperativa – BAP – Estudo de Animación, da cal é membro fundador.
É realizadora do filme ELO (2020) e co-realizadora con Laura Gonçalves dos filmes Áuga Mole (2017) e Percebes (2024).
Xoán Couto
Autor de libros e series dirixidas a público infantil, licenciado en Filoloxía Hispánica e Ciencias da Educación na Universidade de Santiago.
Desde 2005 dirixe a Editorial OQO, especializada en libro infantil e álbum ilustrado na que tamén se encargou da dirección artística das serie de animación en stop motion Os Contos do Camiño e Caracois. Ademais exerce como profesor na Facultade de Filoloxía da Universidade de Vigo onde imparte materias no Máster de Libro Ilustrado e Animación Audiovisual.
