FESTIVAL INTERNACIONAL DE CINEMA INFANTIL DE AMES

Concello de AMES
Cinema Miudo Festival Internacional de Cine Infantil
Deputación da Coruña
Concello de AMES
Cinema Miudo Festival Internacional de Cine Infantil
Deputación da Coruña

Entrevistas

 

Carlos Tomico

(Presentador)

Carlos Tomigo - Presentador IV Festival Internacional de Cine Infantil Cinema Miudo - Ames, Galicia

Cóntenos, como está sendo o Festival de Cine Miúdo de Ames?

Moi moi sorprendente, divertido e participativo. Está vindo moita xente a ver as películas en competición nas dúas categorías de Axóuxeres e Buxainas, e tamén nas actividades paralelas. Penso que é unha gran acerto por parte do Concello de Ames en que esta iniciativa se desenvolva.

Do 1 ao 10, como diría que o están a pasar as nenas e nenos?

Só ata 10? Eu poría moito máis! A verdade é que fantásticamente. Non só polas películas, que teñen unha gran calidade, e eu xa vin unhas cantas… senón tamén polas actividades paralelas coas que vexo que están encantados.

Estásme decindo que non só desfrutan as nenas e nenos, senón que tamén os adultos veñen con moitas ganas de cine?

Penso que si! Eu polo menos quedei abraiado con máis dunha peli. E aínda que sexa un Festival infantil, pódese desfrutar cos ollos dun adulto.

E cada vez que ti saes…aplausos, risas, mans levantadas…

Deformación profesional….

E para o ano…

A mín que me apunten! Eu volvería sen dúbida! Penso que o Festival ten todas as papeletas para continuar por moitos anos. O Concello de Ames está ao pé do cañón para que siga e penso que todo o esforzo terá a súa recompensa.

Alberto Hortas

(Taller de Maquillaxe de Efectos Especiais)

Alberto Hortas - Taller de Maquillaxe de efectos esepeciais IV Festival Internacional de Cine Infantil Cinema Miudo - Ames, Galicia

Que tal a túa experiencia no Festival de Cine Miúdo que organiza o Concello de Ames coa colaboración da Deputación da Coruña?

Estou moi contento por poder estar neste evento. Recoñezo que viña cun chisco de medo… O meu público é adulto e a cativada é moito máis esixente. Pero saíu todo moi ben! Eles encantados… E eu máis!.

Si si…estaban todos atentos! E ademais máis dun puido levar para a casa algo da túa arte de maquillar.

E máis que faría. Pero o tempo é o que é… Tamén é unha boa excusa para repetir!

Outra cousa que lles encantou é a exposición que nos trouxeches ata a Casa da Cultura de Bertamiráns.

Teño que confesarche que cada vez que saco as miñas criaturas do taller, é como se as vise por primeira vez. Cambia o escenario, a luz, a xente que as ve…e foi moi interesante ver o que pensaban as nenas e nenos de Ames.

Co teu taller, igual ata algún atopou a súa profesión de futuro.

Eu sempre digo: avogado, médico…ou artista!

Despois desta experiencia, que lle auguras ao Festival Miúdo de Ames?

Espero que haxa moitas moitas edicións. E presenciais! Nada de que sexan virtuais. Interactuar cos xente, saír da casa, disfrutar das salas de cine…é marabilloso

Entrevista a Loly Gómez

(Presentadora)

Loly Gómez - Presentadora IV Festival Internacional de Cine Infantil Cinema Miudo - Ames, Galicia

Como presentadora da gala inaugural e de clausura deste Festival de Cine Miúdo que organiza o Concello de Ames coa colaboración da Deputación de A Coruña, que nos podes contar?

Está sendo unha experiencia marabillosa. Poder sentir o calor da cativada, todo o que che transmiten, que as nenas e nenos estén totalmente involucrados e con moitas ganas de desfrutar… É moi reconfortante e un gran acerto por parte da organización.

Víchelos atentos para exercer o seu voto para elexir a mellor curta?

Moito! Ata diría que concentrados. Entre eles comentaban que valoración e que puntuación lle daban. Comparando. Facelos partícipes e que vexan que o seu voto é importante, fainos sentir máis responsables. Ademais, o feito de ser presencial fai posible que interactúen, e que desfruten da maxia do cinema.

Dámoslle un aprobado entón å idea do Festival?

A iniciativa paréceme estupenda para achegar o cine aos mais peques e todo o que hai ao seu redor, coñecer como se crea o audiovisual e de xeito sinxelo
Ademais, as curtas encerran importantes mensaxes sobre a discriminación, a igualdade e a diversidade …. Moi importante para afondar na educación e diversidade da rapazada.

E o vindeiro ano…

Agardo que máis! E para o 23, o 24, o 25.…

Entrevista a Fernando Cortizo e Isabel Rey

(Artefacto Producciones)

Responsables de los Talleres de Stop Motion

Fernándo Cortizo  Isabel Rey - Artefacto Producciones - Responsables de los talleres de Stop Motion IV Festival Internacional de Cine Infantil Cinema Miudo - Ames, Galicia

Que tal está sendo este Festival de Cine Miúdo organizado polo Concello de Ames?

Moi especial! É un dos poucos adicados aos nenos e nenas, e fai moita falta fomentar o audiovisual entre o público máis miúdo. Penso que é un gran acerto.

E que sexa presencial tamén é importante.

Hai que ir retomando actividades e estas cousas, como o cinema ou as artes plásticas, perden significado se non son presenciais. A cultura é segura e é necesaria.

Que me podedes decir dos vosos talleres?

Estupendos! Tivemos dous grupos de rapaces moi creativos e implicados, que estaban desexando facer cousas. Ademais, con estes talleres fomentamos esa creatividade que xa teñen, e cando chegan a casa seguen aprendendo.

Entón, de cara os vindeiros anos…

Espero que o festival siga medrando e que se faga máis grande. E que inclúa longametraxes tamén. Non hai moita oportunidade para os cativos de asistir ao cinema, e é unha mágoa. É preciso que coñezan a cultura de asistir ås salas de cine.