ACTIVIDADES MIÚDAS
V Edición (2022)
SESIÓN ESCOLAR: INFANTIL
Xoves 24 de novembro, 09:15 h. (Casa da Cultura do Milladoiro)
Venres 25 de novembro, 09:15 h. (Casa da Cultura de bertamiráns)
Os centros que nos acompañarán este ano nas sesións escolares son: EEI O Milladoiro, EEI da Igrexa, EEI de Covas, CEIP de Ventín, CEIP da Maía e CEIP do Agro do Muíño.
CROCOMARMOTAS
(CROC MARMOTTES)
7′ / FRANCIA / 2020 / Benjamin Botella
É inverno. A neve cae con forza nas montañas.As marmotas cantoras están a buscar un refuxio para os próximos cino meses, o momento do seu hibernación. Na súa peregrinación, coñecerán a Denis, unha cabra montesa que busca unha soa cousa: calma e tranquilidade.
HISTORIA PRIMAVERAL
(LATITUDE DU PRINTEMPS)
7′ / FRANCIA / 2020 / Chloé Bourdic, Théophile Coursimault, Sylvain Cuvillier, Noémie Halberstam, Maÿlis Mosny e Zijing Ye
Un can acaba de ser abandonado ao carón da estrada. Atado a un poste de luz, permanece só ata o día en que coñece a unha nova astronauta en cernes e a unha ciclista profesional que está empeñada en romper o seu récord.
DÚAS CORES
14′ / GALICIA / 2022 / Cristina Yáñez
Cris, unha nena de oito anos, espera con ansia a chegada do verán para ver de novo á súa mellor amiga Laura, quen só visita a aldea durante as vacacións. As dúas rapazas aproveitan a súa imaxinación e creatividade para vivir aventuras e discorrer xogos.
OPERACIÓN FRANKENSTEIN
11′ / ESPAÑA / 2022 / José María Fernández De Vega
Tres irmáns deciden crear o seu propio monstro de Frankenstein, a partir do descubrimento no lixo dun anaco dun maniquí…pero, como darlle vida á túa propia creación cando só contas con 7 anos e a axuda dos teus dous irmáns?
SESIÓN ESCOLAR: PRIMARIA
Xoves 24 de novembro, 09:15 h. (Casa da Cultura do Milladoiro)
Venres 25 de novembro, 09:15 h. (Casa da Cultura de bertamiráns)
Os centros que nos acompañarán este ano nas sesións escolares son: EEI O Milladoiro, EEI da Igrexa, EEI de Covas, CEIP de Ventín, CEIP da Maía e CEIP do Agro do Muíño.
AS PALABRAS AXEITADAS
(HAUT LES COEURS [THE RIGHT WORDS])
14′ / FRANCIA / 2021 / Adrian Moyse Dullin
Kenza, de 15 anos, e o seu irmán pequeno Madhi, de 13, humíllanse regularmente nas redes sociais. No autobús, Kenza pon a proba ao seu inxenuo e romántico irmán: para profesar o seu amor por Jada, a moza á que Madhi ama, aínda que ela non o coñece.
REFUXIO
(REFUGIO)
15′ / ESPAÑA / 2020 / Juan Antonio Moreno Amador
Destiny non quere volver atrás e foxe coa axuda da súa amiga Paulina mentres todos dormen. No medio da noite, escapan do medo ata atopar o seu refuxio.
PÁNICO NA GRANXA: AS GRANDES VACACIÓNS
(PANIQUE AU VILLAGE: LES GRANDES VACANCES)
7′ / FRANCIA – Bélxica / 2021 / Stéphane Aubiere, Vincent Patar
A escola terminou. O indio e o vaqueiro están a aburrirse. Deciden construír un barco e parten en busca de aventuras. Pero o seu primeiro intento é un desastre. Coa axuda dos animais, finalmente logran inaugurar a súa orgullosa embarcación. Pero, por suposto, nada sucederá como estaba previsto…
Proxección exclusiva para o 25 de novembro
Anna, o gato e o rato
(Anna, cat and mouse)
5′ / Rusia / 2020 / Varya Yakovleva
Un home espía a Anna, irrompe na súa casa, destrúe todo o que rodea a Anna, tentando apoderarse dela.
As nosas produtoras: ABANO PRODUCIÓNS
Sábado 26 de novembro, 17:30 h. (Casa da Cultura de bertamiráns)
(Idade recomendada +2 anos)
Abano Producións é unha produtora galega que destaca nos últimos anos pola calidade e o talento das súas obras.Producen cinema de animación, porque como din elas, “as historias, cando son realmente fantásticas, só poden ser narradas con técnicas de animación”.
Abarcan todos os xéneros: comedia, drama, aventura; animan con todas as técnicas: 2D, 3D, Stop Motion… e diríxense a todos os públicos: cativos e adultos.
A súa traxectoria abrangue filmes e curtametraxes multipremiadas a nivel mundial, como Decorado, The Neverending wall, Homomaquia, Carne ou as recentes Valentina, premio Goya ao mellor filme de animación e Unicorn Wars.
Nesta edición, queremos mostrar unha pequena escolma da filmografía de Abano Producións con tres das súas mellores curtametraxes dirixidas a todos os públicos. Con esta sesión especial poñeremos en valor o gran traballo que hai tras cada un destes enormes traballos.
A FLOR MÁIS GRANDE DO MUNDO
10′ / ESPAÑA / 2007 / Juan Pablo Etcheverry
Baseado nun texto homónimo de José Saramago (que tamén é o narrador da curtametraxe) colmado de símbolos e de enigmas, destinado a unha infancia que crece nun mundo crebado polo individualismo, a desesperanza, a violencia e a falta de ideais. Nel hai dúas mensaxes, un para os nenos (o descubrimento, a valentía, o altruísmo) e outra para todos os homes e mulleres que se interrogan sobre o seu lugar no mundo.
O SOLDADIÑO DE CHUMBO
10′ / ESPAÑA / 2008 / Virginiá Curiá e Tomás Conde
Nun crisol, un artesán funde chumbo para construír unhas figuriñas. O metal fundido non é suficiente para todos e a última figuriña queda sen unha perna. Anos máis tarde, esta chega a un Museo de Xoguetes onde é colocada con moita delicadeza nunha sala chea de andeis repletos de xoguetes. O Soldadiño namórase inmediatamente da bailarina dunha caixa de música e a súa única meta será chegar ata ela, o que resultará unha tarefa complicada xa que se atopa cun claro opositor: o Cigarrón.
O XIGANTE
11′ / ESPAÑA / 2012 / Luís da Matta, Júlio Vanzeler
O Xigante é unha xanela que mostra a fantástica viaxe que é CRECER. Porque O Xigante simboliza o corazón de todos os pais, homes e mulleres que a través da súa mirada revelan o mundo aos seus fillos, axudándolles a construír o seu universo, a trazar os seus camiños, a corrixir calquera desvío no magnetismo do seu compás… e a deixalos marchar cando chegue o momento adecuado.
FESTI AMIGO: CINANIMA JUNIOR
Domingo 27 de novembro, 17:30 h. (Casa da Cultura do Milladoiro)
(Idade recomendada +2 anos)
CINANIMA – Festival Internacional de Cinema de Animación de Espinho é o festival de animación máis importante da península ibérica que vén desenvolvéndose en Espinho (Portugal) desde 1976.
Nesta edición, teremos o enorme pracer de contar con eles como Festival Amigo cunha carta branca na que presentarán algunhas das mellores curtas dirixidas á cativada que pasaron polo seu certame.
Pip
4′ / ESPAÑA / 2018 / Bruno Simões
Unha historia para os desvalidos de todas partes, “Pip” é a historia dunha cadela pequena cun gran soño: converterse nun can guía.
The Ice Cream Man
3′ / CHIPRE / 2019 / Katerina Pantela
O xeadeiro vén á cidade. Unha película sobre momentos simples que nos brindaron un inmenso pracer cando eramos cativos. Baseado na canción infantil do mesmo título de Sofía Papazoglu.
Goodnight
(Buonanotte)
4′ / ITALIA / 2018 / Caterina de Mata
Persoas de diferentes grupos étnicos abarrotan unha casa nos suburbios. Pola noite cada un toca a súa propia música, tentando superar ao outro. Aprenderán que para vivir xuntos teñen que xogar xuntos.
À Volta do Sol
7′ / PORTUGAL / 2020 / Alumnxs de 4º A, Escola Aldeia Nova Guetim
Mentres observan o ceo estrelado dunha noite de verán, Neil e Yuri deciden promover unha carreira á volta do Sol.
Polar Bear Bears Boredom
7′ / XAPÓN / 2021 / Koji Yamamura
Un oso polar moi aburrido atópase con varios animais mariños no profundo océano azul.
Catxupada
2′ / CABO VERDE / 2021 / Escola Básica de São Pedro: Cabo Verde
A curtametraxe aborda o aumento da presenza de plásticos nos mares e as consecuencia da entrada de micro-plásticos na cadea alimentaria, mostrando como a Catxupada, prato típico de Cabo Verde, sufriu tamén alteracións nos seus ingredientes.
Mobile
6′ / ALEMAÑA / 2010 / Verena Fels
Unha vaca, apartada da sociedade, toma o control do seu propio destino e ponse en movemento…
Swiff
7′ / FRANCIA / 2016 / Juliana Berckmans, Alexis Agliata, Théo Bonora, Arnaud Bellour, Thibaud Gambier, e Romain Lavoine
Un extraterrestre atópase a un neno pequeno cando aterra no noso mundo para recoller uns ovos de galiña. O neno axudarao na súa misión.
Obradoiro de xoguetería óptica. Coñecendo o zootropo
Sábado 26 de novembro, de 11:00 h. a 12:30 h. (Casa da Cultura de bertamiráns)
Domingo 27 de novembro, de 11:00 h. a 12:30 h. (Casa da Cultura do Milladoiro)
(Actividade recomendada para miúdos e miúdas de entre 7 e 12 anos)
Neste obradoiro, centrarémonos nos estadios primixenios da sétima arte: concretamente, nese período tan descoñecido como ilusorio e máxico, como é o denominado pre-cinema.
O obradoiro ten como finalidade que as miúdas e os miúdos coñezan (mediante a interacción directa co obxecto) o deseño, a construción e o funcionamento dun dos xoguetes ópticos máis fascinantes e exitosos do século XIX: o zootropo.
Mediante esta actividade, trataremos de espertar o interese polos estadios primitivos do cinema, validar o papel da ciencia en toda arte que simule o movemento, dar a coñecer a xoguetería óptica aos miúdos e miúdas do século XXI, tanto o seu deseño como funcionamento, así como fomentar a experimentación e a interacción cos medios de produción, para o cal se valorará a reutilización e a reciclaxe de materiais de consumo.
A actividade será desenvolvida polo equipo de NOVOS CINEMAS.
a BAILAR COS VIDEOCLIPS!
Domingo 27 de novembro, 13:00 h. (Casa da Cultura do Milladoiro)
(Idade recomendada +2 anos)
Preparádevos para esta selección de videoclips que vos farán saltar, bailar e cantar a pleno pulmón durante toda a sesión.
De festa
4′ / 2020
Uxía Lambona e a Banda Molona
A fábrica de Carmela
3′ / 2017
A Gramola Gominola – Illa Bufarda
Papá Pá Cumê
3′ / 2022
Palavra cantada – Cecilia Esteves e Dong Han
Non teño medo
4′ / 2020
Paco Nogueiras – J. M. Sagüillo
O Rap Metal do Nadal
3′ / 2021 /
A Gramola Gominola – Pablo Muñoz
Eco
2′ / 2020
Paco Nogueiras – J. M. Sagüillo
Unha vella tiña un can
3′ / 2020
Migallas Teatro – J. M. Sagüillo
Sopa
4′ / 2017
Palavra cantada – Cecilia Esteves e Dong Han
O Peliculón:
Sábado 26 de novembro, 19:30 H. (Casa da cultura de Bertamiráns)
(Idade recomendada +7 anos)
O LOBO E O LEÓN (Le loup et le lion)
99′ / Francia / 2021 / Gilles de Maistre
Unha pianista de 20 anos regresa á casa da súa infancia nunha illa de Canadá. Todo se complica cando rescata a un cachorro de lobo e a un cachorro de león. A medida que os animais medran, os tres forman un vínculo inseparable, pero o seu mundo pronto se derruba cando se descobre o seu idilio secreto. O león é capturado e enviado a un circo ambulante e ao lobo lévano uns científicos para investigar. O lobo está decidido a atopar ao seu irmán león e a reunir a súa familia. Unha vez xuntos, emprenden unha extraordinaria aventura por Canadá contra vento e marea para atopar a Alma.
Inauguración – Clausura e Entrega de premios
INAUGURACIÓN
Venres, 25 novembro | 17:00h
CASA DA CULTURA DE BERTAMIRÁNS
Abrimos oficialmente a nosa flamante Sección Oficial! Que desfilen as pequenas estrelas pola alfombra vermella cara a sala de cinema!
Nesta mini gala contaremos coa actuación do único e inimitable Globotolo, o clown máis tolo e descacharrante cos globos máis especiais e grandes do mundo, que nos explicará tamén algunha alucinante historia sobre as árbores e a súa “sangue”.
Posteriormente, veremos o primeiro bloque de Axóuxeres para todos os públicos e despediremos a velada inaugural cunha redonda e colorada sorpresa.
Clausura e entrega de premios
Domingo, 27 novembro | 18:30h
CASA DA CULTURA DO MILLADOIRO
Na gala de clausura poñémonos guapos e guapas para recibir a Peter Punk, un pallaso moi molón que irá desvelando cales son as mellores curtametraxes desta quinta edición segundo o xurado e tamén cales foron as favoritas dos nenos e nenas. Durante a gala, veremos as catro curtametraxes gañadoras intercaladas con divertidos números circenses e cómicos de Peter Punk. Toda unha festa!
Os premios que se entregarán durante a gala de Clausura desta V edición de Cinema Miúdo son:
Premio Axóuxeres do Público
Premio Axóuxeres do Xurado
Premio Buxainas do Público
Premio Buxainas do Xurado
