| No taller A Máquina Fantástica as nenas e nenos construirán unha cámara fotográfica e revelarás as súas propias fotografías.
| O festival internacional de cine infantil celébrase nas Casas da Cultura do Milladorio e Bertamiráns entre o 14 e o 17 de novembro e está adicado aos pioneiros do cinema.
| O abono para todo o festival ten un prezo de 3,00 € e pode mercarse na billeteira electrónica do Concello de Ames.
09.11.2024 | O sétimo festival internacional de cine infantil Cinema Miúdo convida ás nenas e nenos de Ames a explorar as orixes da fotografía a través do obradoiro A Máquina Fantástica. O taller terá lugar o sábado 16 na Casa da Cultura de Bertamiráns e o domingo 17 na Casa da Cultura do Milladoiro, ambos a partir das 10:30h. A actividade ten unha duración de 2 horas. As prazas son moi limitadas e é preciso formalizar a inscrición no mail actividades@abella.gal indicando nome, ideade e teléfono de contacto. A idade mínima para participar é de 8 anos.
O taller ofrece aos participantes a oportunidade de crear de maneira sinxela e artesanal a súa propia cámara fotográfica estenopeica. Unha estenopeica é unha cámara fotográfica sen lente, que consiste nunha caixa estanca á luz cun pequeno orificio por onde entra a luz, o estenopo, e un anaco de película no que se plasmará a imaxe. A través desta experiencia práctica, os nenos aprenderán como a luz pode transformarse en imaxes dentro dunha caixa escura e como fixar esas imaxes en papel fotográfico utilizando técnicas clásicas de revelado. Ao finalizar a actividade, cada participante poderá levar á casa a súa primeira fotografía revelada como recordo tanxible da súa aventura creativa.
O programa do taller inclúe a construción da cámara, a realización das fotografías e unha breve introdución á teoría e historia da cámara, que se levará a cabo mentres se revela o material. Ademais, instalase unha cámara estenopeica de gran tamaño (1,80 x 2,50 metros) no exterior das casas da cultura, onde os participantes poderán comprender mellor o proceso e explorar dentro da propia “cámara”.
A Máquina Fantástica será impartido por Sr. Sagüillo, artista visual con máis de 15 anos de experiencia no sector cultural e audiovisual. Licenciado en Belas Artes e cun máster en produción de animación, traballou como realizador en proxectos audiovisuais como Kalandraka TV e colaborou con marcas recoñecidas en moda e deseño gráfico. A súa versatilidade permitiulle desempeñarse tamén como escenógrafo e muralista, recibindo premios e nomeamentos que avalan a súa traxectoria creativa.
